Youtube Poetry: 2012

Thursday 13 December 2012

Kehty hain Loog Mout sey Bura Hai intezaar

Kehty hain Loog Mout sey Bura Hai intezaar
Meri Tamam Umr kat-ti intezaar mein

Kesy Ajeeb DOur Mein Jeena Para Mujhey

Kesy Ajeeb DOur Mein Jeena Para Mujhey
Sheeshey Key Hain Insaan to Pathar Ka Aadmi

Kitna Ham Usko Chahty Hain Adam

Kitna Ham Usko Chahty Hain Adam
Jis Ka Nafrat Sey Naam Lety Hain

Rakh Mery Hath Par apney hath ka bharoosa

Rakh Mery Hath Par apney hath ka bharoosa
Key Ab hum Bichrain to Maut Ajaey

Har kaam bigarta hai hum jaison ka ho ho key

Har kaam bigarta hai hum jaison ka ho ho key
un ko bhi koi Pochey bethy hain jo Ro Ro key

Hum jagney waloon ko Zindoon mein samajhty hain
Mar jatey hain kitney hi meri tarah so so key

Daaman to hai Daaman phir,Phailana hi Parta hai
Yeh saaf nahi rehta dekha isey dho dho key

Jis cheez sey Qurbat ho ajatai hai Doori bhi
Ik shakhs ko paa paa key ik Shakhs ko Khoo Khoo key

Aye Saad chalo Choro Kuch Dair ko Sastaa Lou
Yeh Bojh Hai Sochon Kaa Mar jao Gey Dhoo Dhoo Key

Ghar waloon ko Ghaflat pey Sabhi Qauss rahey hain

Ghar waloon ko Ghaflat pey Sabhi Qauss rahey hain
Choroun ko Magar koi Malamat nahi kerta

Us shakhs ka thikaana Sabhi Sheher key Hotel

Us shakhs ka thikaana Sabhi Sheher key Hotel
Mushkil hi betaab humein ghar pey miley ga

Ager Nadamat Sey Tumko Bachna Tha

Ager Nadamat Sey Tumko Bachna Tha
Faisley Khud Kiyey Nahi hotey

Hussain hi Hussain Hain

Jahan Jahan Uthi Nazar
Hussain hi Hussain Hain

Shajar Shajar,Samar Samar
Hussain hi Hussain Hain

Zameen sey Aasmaan Talak Nazar Gayi Jahan
Dua Dua,Asar Asar
Hussain hi Hussain Hain

Nabi S.A.W ki Pusht-e-Paak Ho
Ya Karbala ki Khaak Ho

Ghuroor-e-Sajda Jis Ka Sar
Hussain hi Hussain Hain

Jo Zair-e-Taigh ,La-ilah
Kaha to Keh Utha Khuda

Hai Jis pey Mujh ko naaz Wo
Hussain hi Hussain Hain

Katta Key Sar,Lutta Key Gher
Karay Jo Sajda Khaak Per

Zameen Pey Aisa Moa,tbar
Hussain hi Hussain Hain

Dekhy Hoey Sey Lagtey hain Rastey

Dekhy Hoey Sey Lagtey hain Rastey,Makaan,Makeen
Jiss Shehr mein bhattak key Jidhar jaye Admi...!!!

Jab Pyaar ki Nazar sey Unhein Dekhty Dekha

Jab Pyaar ki Nazar sey Unhein Dekhty Dekha
Paani ki Tarah Beh Gaya, Barsoon ka Gilaa Bhi

Mery Haal Pey Yeh hairat Kesi

Mery Haal Pey Yeh hairat Kesi, Dard key Tanha Mousam Mein
Pathar bhi Roo Partey hain,insaan to Phir insaan howa

Hum ney apni Udaasi ka is Tarah Bharam Rakha

Hum ney apni Udaasi ka is Tarah Bharam Rakha..!!
Rabtey Kam Ker diye or Maghroor Kehlaaney Lagey

Badal Jao Bhaly Tum

Badal Jao Bhaly Tum, Magar yeh Zehan mein Rakhna
Kahin Pachtawa na Ban jaye Ham Sey Be-Rukhi itni

Yeh Mojza bhi Muhabbat Kabhi

Yeh Mojza bhi Muhabbat Kabhi dikhaye Mujhey
Kay Sang tujh pey girein aur Zakhm Aye Mujhey

Main Gher sey teri Tamanna Jab Pehan Key Nikloon
Barhana Shehr mein koi Nazar na aye Mujhey

Wo mera dost hai Saray Jahan ko Hai Maloom
Dagha Karay wo kisi sey to sharm aey Mujhey

Wo mehrbaan hai to iqraar kyu nahi Kerta
Wo bdgumaan hai to so baar azmaye mujhey

Mein apni zaat mein neelam horaha hun Qateel
Gham-e-hayaat sey keh dou ky Kharid laye Mujhey

Hijr ki Raat Dhal Gai Mohsin

Hijr ki Raat Dhal Gai Mohsin
Ab to dil sey Kaho Sambhal Jaye

Tujhey Chahney Ka Jurm hi tou Kiya Tha

Tujhey Chahney Ka Jurm hi tou Kiya Tha
Tu Ney Pal Pal Marna Meri Saza ker di

Meri Yadoon Sey Ager Bach Niklou

Meri Yadoon Sey Ager Bach Niklou Tou Wada Mera hai tum sey !!
Mein Khud Duniya Sey Keh doon Ga key Kammi Meri Wafa Mein thi

Dil Ko Teri Chahat Pey Bharoosa

Dil Ko Teri Chahat Pey Bharoosa bhi Bohat Hai
Aurr Tujh sey Bicharr janey ka Dur BHi nahi Jata

Dasht e wafa mein pyaas ka Aalam

Dasht-e-wafa mein Pyaas ka Aalam Ajeeb Tha
Dekha to ik Dard ka Darya Qareeb Tha

Guzrey Jidher Jidher Sey Tamanna k Qaafley
Her Her Qadam pey Aik Nishaan-e-saleeb Tha

Kuch Aisi Meherbaan Tou Na Thi Ham pey Zindagi
Kyun Her Koi Jahaan Mein Hamara Raqeeb Tha

Apna Patta to Usney Diya Tha Mujhey Mohsin
Main Khud hi Kho Gaya Tou Yeh Mera Naseeb tha

Marna Behtar hai Aisy jeeny Sey

Khauf ki Shab mein Hoont seeny sey
Marna Behtar hai Aisy jeeny Sey

Kuch to qayim Rahy Anna Ka Bharam
Dekhna hai Usey Qareenay Sey

Youn Tamasha to usko Hona tha
Jo Ghirri Aarzoo ky zeenay Sey

Dil ka Ab Talkhion Sey Naata hai
Lutf Laita hai Zeher Peeny Sey

Samney Mere Jo tum Muu Karke nahi bethy

Samney Mere Jo tum Muu Karke nahi bethy,....,
Kya Kisi ky Samny hai yeh Qasam Khai Hoi???

Tu Mere Hadh-o-haal pochta hai

is liye Murr ky Dekhna bhi hai
Pairr Sokha hai Harra bhi hai

Jo Mery Gham sey Aashna bhi hai
Mujh mein ik shakhs dosra bhi hai

Ab khuda janey shair hai ky sawal
Us ney kaghaz pey kuch likha bhi hai

Ab khuda janey shair hai key sawal
Us ney kaghaz pey kuch likha bhi hai

Sub ult phair hain Muqaddar key,,
Wrna wo shakhs Mera bhi hai,,

Tu Mere Hadh-o-haal pochta hai,
Kya Tery Paas Aina bhi hai..

Yeh jo Pairron mein shor hai Aami,
is sey lagta hai kuch huwa bhi hai,

Nazar sey girtey rehty hain,ibadat hoti rehti haiiii

Yeh Sarey Haseen Chehrey Meri Tasbeeh key Daaney hain
Nazar sey girtey rehty hain,ibadat hoti rehti haiiii

Khuda Naseeb karey

Khuda Naseeb kary Unko Khushiyaan sari
Adum wo loog jo ham ko udaas rakhty hain....!!!

Mein Beemar-e-Muhabbat hoon....!!!

Mein Beemar-e-Muhabbat hoon
Mujhey kia Gharz Hakeemo sey.....!!!!!

Ager meri shifa chaho

Ager meri shifa chaho
To mra Mehboob La Dou...!!!!!

Uski Awaz sun Loon to Mil jata hai

Uski Awaz sun Loon to Mil jata hai Sukoon Dil ko
Dekho to Sahi mery Dard ka ilaj kesa hai.......!!!!

Nishani Jo Tujhey Di thi Juda Hotey Howe

Nishani Jo Tujhey Di thi Juda Hotey Howe,
Pehan key Aa wohi kangan dil tujhey Yad kerta hai,.....!

khumar ab to masjid mein janey lagy hain

Woh Hain pass aur yaad aney lagey hain
Muhabbat ka Hosh Ab churaney lagey hain

Suna hai Hamein wo bhulaney lagey hain
To kya ham unhein yaad aney lage hain

Hat-taey thy jo Raah sey Doston ki
Wo pathar Mere Gher mein aaney lage hain

Woh phir mujhey yaad aney lagey hain
Jinhein Bhoolny Mein zamaney Lagey hain

Yeh kehna tha unse mohabbat hai mujh ko,
yeh kehney mein mujh ko zamaney lagey hain,

Qayamat yaqeenan ab qareeb agayi hai,
khumar ab to masjid mein janey lagy hain,

Sab iraady sambhaal kar Rakhey

Jaaney kaisay sambhaal kar Rakhey
Sab iraady sambhaal kar Rakhey

Kuch Naye Rang hain Muhabbat key
Kuch Puraaney Sambhaal kar Rakhey

Mausam-e-ishq teri baarish mein
Khat jo bheegy sambhaal rakhy

Jin ki khushbu Udaas kerti thi
Wo bhi gajray sambhal kar Rakhey

Tujh sey milney key aur bichadney key
Saary Khadshy sambhal kar Rakhey

Jab Hawa ka Mizaaj Barham tha
Ham Ney Pat'tey Sambhal kar Rakhey

Aarzoo key Haseen Pinjrey Mein,
Kuch Parindey Sambhal kar Rakhey,

Ham ney' Dil ki Kitaab mein Tery,
Sarey Waadey Sambhal Kar Rakhey,

Mery Khaboon ko Raakh Ker Dala.!!!!
Aur Apney Sambhal ker Rakhey.....!

Dafan hain Mujh Mein Sorishein Kitni

Dafan hain Mujh Mein Sorishein Kitni,
Dil ki Sorat Khamoosh Waadi Hoon,

Shok-e-Tark-e-Dosti Ker Ley,
Mein Teri Nafraton Ka Aadi hoon,

Ashk Ankhon Mein chupatey Hoey Thak Jata Hun,

Ashk Ankhon Mein chupatey Hoey Thak Jata Hun,
Bojh Paani Ka uthatey Hoey Thak jata hon,

Paon Rahtey Hain jo Mujh pey unhein Ahsaas nahi,
Mein nishanaat mitatey Hoey Thak jata hon,

Barf Aisi key Pighalti nahi Paani Ban ker,
Pyaas aisi key bujhatey Hoey Thak jata hon,

Achi lagti nahi is darja shanasayi,
Hath Hathoon sey milatey Hoey Thak jata hon,

Gham gusaari bhi ajab Kaar-e-Muhabbat hai key Mein
Roney waloon ko Hansaatey Hoey Thak jata hon